Life is a journey full of ups and downs and sometimes a few words of wisdom can light the way. Life quotes in urdu are the only way to soothe hearts and minds. Life reality quotes offer a new perspective on life’s challenges with deep and poetic beauty. Urdu is known for its beauty and emotional depth which makes these poets more impactful. From legendary poets like Allama Iqbal to modern-day writers, Urdu literature is rich in life quotes. Which encourages hope and self-confidence. Are you looking for motivational quotes? Or thought-provoking quotes that remind us to embrace the beauty of life and learn from its lessons. Enjoy some of the most inspiring life quotes in Urdu that will lift your spirits.
Best Quotes About Life in Urdu
Mangne ki shiddat qaboliyat ki sab se badi daleel hai,
Tumhari musalsal duaein tumara muqadar badal deti hain.
Ikhlaq bhi rizq ki tarah hai,
Iss mein bhi kuch log ameer kuch gareeb,
Aur kuch inteha ke muflis hote hain.
Waqt aisa hai keh tamam achi baatein,
Phone ki gallery aur status par toh maujood hain,
Magar insan ke amal aur kirdar mein nahi.
Daulat aur husan ki lalach mein,
Apni seerat mat kharab karen,
Kiyun keh daulat duniya mein,
Aur husan matti mein dafan ho jaye ga.
Quotes in Urdu About Life Reality
Jab zindagi, maut izzat, zilat aur rizq,
Allah ke hath mein hai toh phir dar kis cheez ka hai.
Samajh na aaya zindagi tera falsafah,
Ak taraf kehti hai sabar ka phal meetha hota hai,
Aur dusri taraf kehti hai waqt kisi ka intezar nahi karta.
Log do baatein kabhi nahi bhoolte,
Pheli khud ka kiya howa ehsaan,
Aur dusri, dusron ki, ki hoi galti.
Google se duniya ka har raasta dekha ja sakta hai,
Lekin jannat ka raasta sirf Quran dekhata hai.
Sad Quotes About Life in Urdu
Humse nahi hoti toote taluq mein bahaliyan,
Hum badal jane walon ko murda tasawur karte hain.
Jal jao khamoshi se karri dhoop mein lekin,
Apno se kabhi saya dewar na mango.
Insan ne mehsoos karna iss liye chod diya hai,
Kiyun keh isay in cheezon se mohabbat ho gayi hai,
Jin mein ehsaas nahi hota.
Woh dhoond rahe the mujhe bhool jane ka tareeqa,
Maine khafa ho kar un se unki mushkil asan kar di.
Famous Quotes About Life in Urdu
Humari zindagio mein bechaini ki ak badi wajah,
Yeh bhi hai keh hum jahan hain wahan hona hi nahi sekha,
Saara din ya toh “Maazi” mein hote hain ya “Mustaqbil” mein,
Agar kahein nahi hote toh bas “Haal” hi mein nahi hote.
Kisi ki chup ko haar nahi samajhna chahiye,
Kiyun keh baaz log apne faisle,
Allah Rab-ul-Izzat par chod dete hain,
Aur Allah kabhi kisi ko maayus nahi karta.
Itne rishton ka kya faida jab har dukh,
Takleef akele hi katni hai,
Lihaza khud ko mazboot kar lein,
Ta keh apna ghum khud utha sakein.
Sirf hath hi nahi alfaz bhi sahara bante hain,
Jahan hath na pakd sakein wahan lafzon se thaam liya karein.
Deep Quotes About Life in Urdu
Afwahein nafrat karne wale banate hain ehmaq bhelate hain,
Aur be waqoof in par yaqeen karte hain,
In teeno mein se koi bhi banne ki koshish na karen.
Khamoshi hamesha raza mandi ya narazgi hi nahi hoti,
Kabhi iss ka matlab yeh bhi hota hai keh,
Hum na samajho ke liye wazahat ki sakat nahi rakhte.
Haqeeqi taluq woh hota hai,
Jo waqt, halaat, zaroorat aur mizaj badalne ke bawajood bhi qaim rahe.
Zindagi ne do cheezein toh zaroor sekhai hain,
Ak toh apne mein kush rehna,
Dusra apne Allah ke siwa kisi se koi umeed na rakhna.
Also Read: Best Friendship Poetry In Urdu Expressing Love And Loyalty